الوظيفة الحقيقة لأمر Refresh التى لا يعرفها الكثيرين

وظيفة أمر Refresh التى لا يعرفها الكثيرين

أخطاء شائع: ما هي وظيفة امر Refresh ؟

اغلب الناس لا تعرف معني او ما هو امر Refresh

هل فكرت قبل ذلك في سبب علمي لوجود هذا الامر؟
هل فكرت ما هو السبب العلمي لاستخدام هذا الامر البسيط جدا من قبل؟

دعنا نسأل احد المتخصصين في عالم الكمبيوتر .. الباشمهندس زقله بتاع السايبر..
هو امر Refresh بيعمل ايه؟
رد سيادته كان الاتي: الامر دا بيفرفش الجهاز !!!!وساعات يقول: الامر دا بينعنش الجهاز!!!

عايز تعرف ايه هو امر Refresh وبيعمل ايه .. يبقى لازم نرجع شوية بالتاريخ .. نرجع كدا لحد سنة 1998 ايام ويندوز98

اللي اشتغل منكم على ويندوز98 الاصدار الاول هايفتكر مشكلة كبيرة كانت بتقابلنا لما نعمل نسخ لملف من مكان لمكان اخر
المشكله انك بعد النسخ مش بتلاقي الملف ادامك, وكان الحل ايامها انك تقفل الصفحة دي وترجع تفتحها تاني عشان تشوف الملف

بتحليل بسيط جدا للعملية المرهقة دي من غلق للصفحة واعادة فتحها مرة اخرى هتلاقي ان الويندوز اثناء فتح اي صفحة بيعيد قراءة محتوياتها من جديد (ركز في دي اوي) بيعمل ايه - بيعيد قراءة محتويات الصفحة من جديد- بالتالي الملف اللي مكانش ظاهر بيظهر تاني.

مايكرو سوفت قررت تحل المشكلة دي في الاصدار الثاني من ويندوز 98 ونزلت windows 98 second edition وفيه زودت امر Refresh الى القائمة المنسدله لما تعمل كليك يمين.. عشان ماتخرجش وترجع تدخل تاني عشان تشوف التغييرات اللي انت عملتها وماشوفتهاش.

واستمر معانا ومع مايكرو سوفت هذا الامر حتى الان.

وعشان افكرك اكتر .. كنت ساعات تخرج السي دي من الجهاز وتلاقي اسمها زي ماهو على الدرايف
وحاجات كتير كان تلزم مايكرو سوفت انها تعمل الامر دا لحل مثل هذه المشكلات.

طب نخرج من الكلام دا بإيه
ان امر ريفريش Refresh شغلته لو قررنا نقولها بشكل علمي مباشر هي الاتي:
اعادة تحميل محتويات الصفحة الحالية ... بس

بس كدة امر ريفريش اللي بتعمله للديسك توب معناه قم بإعادة تحميل محتويات سطح المكتب مرة اخرى | بس
يعني لما الياهو بيهنج وبتقعد تعمل Refresh ورا Refresh ورا Refresh انت كدا الجهاز لو نطق انت عارف كان هايقولك ايه

او لما بتفتح برنامج تقيل مثلا والجهاز بيبقى طالع عينه وهو بيفتح البرنامج ومش قادر يفتح وانت شغال Refresh Refresh Refresh

واحد دلوقت سامعه بيقول انا لما بقعد اعمل Refresh كتير المره الاولى بتبقى تقيله اوي لكن بعد كدا بتبقى اخف يعني ليه تأثير

انت لما بتكرر اي حاجه مع الوندوز بتتعمل اسرع لانها ببساطه تم تحميلها في الرامات
يعني مثلا افتح الوورد واقفله وارجع افتحة تاني
هتلاقيه في المرة الاولى فتح بتقل او ببطء لكن المرة التانيه فتح بسرعة اكبر وهكذا .. ونفس الموضوع بينطبق على Refresh

انت بترهق الجهاز بأمر هو في غنى عنه تماما اثناء قيامة بعمليه مرهقه اصلا.
...
حرام عليكم ارحموا الاجهزة وبطلوا Refresh