كنت بتكلم مع واحدة مرة ومن كلامها عرفت إنها مش منضبطة على الصلاة .. يعني مش بتصلي كل الفروض يومياً للأسف....
طيب ليه كده يا بنت الحلال ؟؟؟
قالتلي: عشان أنا صوبعي قصير ...
نعم ؟؟؟؟!!!!!
على فكرة كانت بتتكلم جد وعندها سبب هستوضحهولك دلوقتي:
صوبعي قصير فبضطر أربي ضوفري عشان صوبعي يبان طويييل...
وأنا بنزل الشارع علطوول فطبيعي إيدي بتتوسخ وأنا بقرف جداًااااً من الضوافر اللي مش نضيفة...
بالتالي بحط مانيكير فضوافري عشان يبقى شكلها حلو ...
فمش بعرف أتوضا برا البيت وبروح هلكــــــــــــــانة وممكن أجمع الصلاة وممكن أكسل ...
طبعاً ضحــــــــــــــــــكت على أخري ...
إيه ده بتتكلمي جد ؟؟!!
بعد ما عرفت إنه مش هزار حاولت أتكلم معاها عن أهمية الصلاة...قالتلي عارفة ده كذا وكذا وكذا...
طيب جيت أقولها عقوبة ترك الصلاة وإن تركها كفر....قالتلي ده كذا وكذا وكذا...
يعني اللي بتعمله مش من جهلها بالموضوع بالعكس دي على علم بكل تفاصيله...
لكن مظهرها قدام الناس أهم عندها من الصلاة بحد ذاتها .
ده نموذج حقيقي علي فكرة للأسف.
Post a Comment